François Rabelais: Cuarto libro

portada

Interpretada a navegación de Pantagruel coma viaxe iniciática, como procura alquimista, como miscelánea topográfica, como itinerario mítico ou como arquitectura alegórica, as diferentes análises do “Cuarto libro” coinciden en sinalar que é unha constante transposición da realidade contemporánea en forma de violenta sátira contra o Papado e en apoio da da política galicana. E coinciden, desde logo, en sinalar que nesta obra a mestría verbal, a fértil fantasía e a mordaz diatriba de Rabelais chegan ao cénit. (Vía Palabras desconxeladas)

Descárgao aquí

Victor Hugo: O reiciño de Galicia

portada

Como Victor Hugo foi reparar na existencia de Galicia, e o que é máis, nunha Galicia como país diferenciado, con reinado propio? Le Petit Roi de Galice é unha “pequena epopea” á que o escritor lle deu moita importancia e forma parte dunha das súas mellores obras: La légende des siècles. Esta edición ofrece en lingua galega esta obra dun clásico da literatura universal, que se ocupa dun momento decisivo da historia da nosa nación.

O interese da presente publicación acrecéntase coa reproducción do texto francés, seguindo o manuscrito da Biblioteca Nacional de Francia, nunha coidada e rigorosa edición de Henrique Harguindey. (vía: Palabras desconxeladas)

Descárgao aquí

Antonio Skármeta: O carteiro de Neruda

portada

Mario Jiménez, un mozo pescador, decide abandonar o seu oficio para converterse en carteiro na Illa Negra, onde a única persoa que recibe e envía correspondencia é o poeta Pablo Neruda. Mario admira a Neruda e espera pacientemente que algún día o poeta lle adique un libro ou aconteza máis do que un brevísimo intercambio de palabras ou o xesto ritual. O seu desexo verase finalmente realizado e entre os dous estabelecerase unha relación moi peculiar. No entanto, a atmósfera que se vive no Chile daquela época precipitará un dramático desenlace…

Descárgao aquí

Molière: O burgués fidalgo

portada

O burgués fidalgo é unha xoia do teatro cómico. Partindo da farsa, cos seus procedementos sinxelos, caricaturais e esquemáticos, baseados na xestualidade, nos berros, nos paus e nos sorpresivos reviramentos da situación, Molière fai unha peza na que a sutileza da expresión e da palabra —coa ironía e a variedade dos rexistros— xogan un papel fundamental na construción da comedia. (vía: Palabras desconxeladas)

Descárgao aquí

Voltaire: Cándido

portada

Cándido, ou o optimismo é un conto filosófico en ton de sátira publicado por primeira vez en 1759 por Voltaire, filósofo da Ilustración. Narra a historia dun mozo, Cándido, que vive nun paraíso e recibe as ensinanzas sobre o otimismo de Leibniz a través do seu mentor, Pangloss. A obra retrata a abrupta interrupción deste estilo de vida cando Candido sofre desenganos e desilusións ao experimentar dificultades no mundo. Voltaire conclúe a obra cun Cándido que, malia non rexeitar o optimismo, si substitúe o mantra leibniziano de Pangloss, “vivimos no mellor dos mundos posíbeis”, por un precepto enigmático: “debemos cultivar o noso xardín.” (vía: Palabras desconxeladas)

Descárgao aquí

Homenaxe da AELG: Vivir un soño repetido

portada

“Con motivo do Día das Letras Galegas a Asociación de Escritoras e Escritores en Lingua Galega edita un libro electrónico coas colaboracións dos seus asociados e asociadas. As colaboracións, inéditas e orixinais, responden a un duplo formato: a) poemas inéditos inspirados en Lois Pereiro; obra gráfica (ilustración, fotografía, poesía experimental, etc.) inspirada en poemas de Lois Pereiro. Da conxunción de todas as achegas nace este libro electrónico en formato epub de descarga gratuíta accesíbel no apartado de publicacións da web da AELG.” (Vía O levantador de minas)

Descárgao aquí